دام البقا بك ياجذع وانا نويت اللي نويت=ارفع نظر عينك وحث الخيل ياخيالها .. !!
ابوك زار سبيت ياسلطان وانته ماظنيت=والله ولا اللي مايثمن كلمتة لاقالها .. !!

والله لااعلم شايب الديمن على بنت السبيت = قدام توخذ ...صبح ... ياخذ من عصيم حبالها !!
انته مثل مااعطيت ابوي العام من عندي خذيت = يعني بلاش تمن لك عطوىً خذيت بدالها !!

اما غدا ثوبك نهار المعركه ولا غديت=مالي ومال اللي تدور غلبها بموالها .. !!
انا احسبنك ناسي الموضوع واثرك مانسيت= تعقد حبال المشكله ويحلها حلالها .. !!

من بعد مطلق مات فالشعار من يقنع ثبيت ؟؟ = نجومها عشرة ولاهي بالعوض فهلالها !!
ماعاد باقي لك على البيداء مع الركبان صيت = مير احمد الله لاضويت بغترك وعقالها !!

ياللي حرثت القبر لكن لاهدمت ولا بنيت=جنايز اموات المعارك جعل فالك فالها .. !!
ياكم حسنّا بك لحا واشناب ياموس الجليت=ماهمنا الجذعان لو ترسل صغار عيالها .. !!