الطيبه ماتجيك ألا من العارفين=أمثال حاكم وناس تكرم سبولها !!
طق الحديده عساها عقب طرقك تلين=ويبين صاحي عربكم قبل مهبولها !!

كاسب جمالٍ حرارٍ ماتعرف الحنين=محمله يالجلاه بكامل حمولها
كلٍ تقدم وناصر جعل ربه يعين=وش عاذره والحرايب دقت طبولها

الفرق واضح مابين النير والبيضتين=إن قلت في عرضها وإن قلت في طولها !!
ناصر ليا دبكت ناسٍ تبى لقمتين=يشوم عن جرة الزيدي وعن فولها !!

لاجات سرب القوافل من يسار ويمين=ياهل طحي القوافل قومو اقفولها
ياللي تحسب الخواطر من كلامك تشين =ام الكباير عجوزٍ ..ماتت.. ادعولها

حنا رجالٍ ثقال وكلكم خابرين=اعرف جبال الديار وميز سهولها !!
اختم كلامي معك قدام مد الايدين=أليا برق برقها تطلق ثعولها !!