الخيل تعرف منهو الخيال وتعرف الصويب=وتعرف سكتها وحزة نصرها تمشيبها
المجتهد للخير يابارود لابده يصيب=وانت اجتهد والقمه العليا لابد تصيبها

الورِِِد واجدوالدّلي ماغثبرت جم القليب = والناس مايحكم عليهامن قبل تجريبها
واختامها ياصاحبي لعل شمسك ماتغيب = وليله قضيناها معك ياطيبها ياطيبها

باروود

سلام للحضّارماهز الهواء غصن رطيب = رديّةِ ماكل حزّه للعرب نبديبها
يامعجب الليله نبيها بينناسرح وعزيب = والطيّبه تحريبهايالله عساي احريبها

معجب العتيبي

يامرحبا ترحيبةٍ فيها من الحكمه نصيب=ترحيبةٍ واللي سمعها حبها من طيبها
الليل يابارود هات العلم والمسرا يطيب=هات العلوم اللي على بالك نبا نسريبها

باروود

ياشوكة الميزان ماحدٍقال بك شكٍ وريب = والله حسيب اموقّض الفتنه ومن يسعيبها
كلٍ وله وجهة نظر مثل السهم تخطي تصيب = لكن صفوفك يالامام ابذمتك ترتيبها

معجب العتيبي

لاشك فيما قلت يابارود والموقف صعيب=ياباحث الفتنه عسى بقعا تجيك بغيبها
ترا اختلاف الراي مايَفْرق حبيبٍ عن حبيب=واعيب ناسٍ تتهم راع الوفا واعيبها

باروود

انت الامام المؤتمن ولجامع الديره خطيب = تفتح لغيري عينك اليمنى ولي تغظيبها
وعينك تراقب كل مايحصل ومن فوقك رقيب = واشيب عيني من هواجيسٍ قنب لي ذيبها

معجب العتيبي

ماشوف غير اللي من الله بيّن وماهوب عيب= لاتسري الافكار في قلبك ولاتغديبها
امشي على وضح النقا دايم ولي رايٍ صويب=واشيب عينك لاظلمت المقتدي واشيبها

باروود

ان كان فوز الخيل با لميدان في كثر الهذيب = الله يعينك يايدين بالعلم توميبها
النفس تطمح للعلا والظن فيكم مايخيب = واللي يوديها يابوسلطان معك ايجيبها

معجب العتيبي

الخيل تعرف منهو الخيال وتعرف الصويب=وتعرف سكتها وحزة نصرها تمشيبها
المجتهد للخير يابارود لابده يصيب=وانت اجتهد والقمه العليا لابد تصيبها

باروود

الورِِِد واجدوالدّلي ماغثبرت جم القليب = والناس مايحكم عليهامن قبل تجريبها
واختامها ياصاحبي لعل شمسك ماتغيب = وليله قضيناها معك ياطيبها ياطيبها

المشاركة الأصلية كتبت بواسطة العتيبي أبا غيث (المشاركة 862682) صح لسانك اخوي بارود عز الله ابدعت وصح الله لسان اخوي معجب دكتور ومجرم ههههههههههههههه

الاخ اباغيث صح بدنك ولاقصرت
امابالنسبه للاخ معجب ابمون عليك وابأ غيّر اللقب
اوّل ملقبه ب(الأباتشي)امااليوم(بي52)
يحفظه الله من كل سوء