فواز السعيدي

يابو لمار انته علامك كن فوق اسمك غبار =رايح سوات الاشعث اللّي شوشته متغبّره !!
فاللّيل يابالكاد اشوفك بس اشوفك بالنّهار = مدري متى يبقى على هالحال يالله صبّره !!

ابو لمار

هذا غبار المعركه والمعركه نار ودمار = وان كان ماهو عاجبك شكلي باروح اغيّره !!
انته علامك ماتحفظ الجار وحقوق الجوار = يقولون تملك لك شهاده بالختوم امزوّره !!

فواز السعيدي

يعني غنايمكم "غبار" امن المعارك والحصار ؟ = لابالله الاّ غيرّه قبل الهبوب اتكبّره !!
ترى الكراسي يالسّنافي للرياجيل الكبار = ماهي لناسٍ اصغار مار نفوسها متكبّره !!

فواز السعيدي
صح لسانك

أبو لمار
صح لسانك


متااابع للأبداااااااااااااااااااااع

المشكله ياصاحبي فواز في عقول الصغار = اللي تحسب المرجله في الصوره المتحمّره !!
هذي كراسي مالها في العرف قيمه واعتبار = لكنّ خلّك فوق كرسيّك وعرفك طوّره !!