سعود العصيمي

سلامي على اللي مرويٍ مقدم الزان = ذريب اليمين اللي علومه ذريبه.
والا ياعتيبه كل رجلٍ وله شأن = ومايكتبه حظه لابده يجيبه

معجب العتيبي

هلا مرحبا ترحيب وافي ومليان=عدد ما ذِكر بالطيب ربعي عتيبه
والا ياهل المعنى ترا حظكم زان=وكلٍ بياخذ في حياته نصيبه

يدوم البقاء والعلم فالشيخ راكان = بعد لد عينه يم اخوه وقريبه.
وعقبه ضربه عقاب بالسف شامان = لكن قول لي وش قصته مع صحيبه

زمان العجايب والمشاكل والاحزان=يفرّق يابو طايل حبيب وحبيبه
ليا صار لك صاحب عسل ذرب الايمان=علامك تدور في حياته مشيبه

ترا اللي يحاول تفرقة بين الاخوان = يبا يأكله ذيب الخلا ويغديبه.
صحيبي كما معجب ومرزوق حمدان = ومن بان عيبه فالزمن ماعتزيبه.