المشاركة الأصلية كتبت بواسطة قادح شرار (المشاركة 859097) الوعد الليلة يا حاكم إن شاء الله ... ويا ويلك مني ويلااااااااه ..

حاكم الغنامي

انا لي صاحبٍ مبطي ثبيتيٍ من آل ثبيت =عليه الله واكبر كل ماغنيت قيفاني
ياقادح لو عمود البيت ينشب في رواق البيت =تهد البيت ولا تتركه في ذمة الباني

قادح شرار

أنا أروّح وأجيكم من بعد مِدة ولو أبطيت = كِمنّ أنتم ربع وأقراب .. وزود عيال عمّاني
ترا من فلسفتك الزايدة يا صاحبي مليّت = أنا ماهمني لو إن يجيه السيل من داني

حاكم الغنامي

نبا ناخذ ونعطي معك لو مالّحي مثل الميت =عسا لاشافها راع الطرب ..يطرب على شاني
الا يالمزري اللي عن دروب الغانمين ازريت =تعدت مير لاتقعد تلد العين بعياني!!

يا حاكم كان في راسك مجمّع لك 100 عفريت = حرام إني لأظهّر كل واحد من ورى الثاني !!
لوجه الله مسامح كان في حقي ياخوك أخطيت = على شان الخطا منك اسحب الزلة على شاني