الاحاديث الصحيحه ثابته للي قراها =اثبت من النير يامحمد ومن ظلع البقومي
الجمال محمله كل العرب تسمع رغاها=والعماني حملته فوقه وبالحبل مخطومي

الخبر من ديرة الكذاب بأول مبتداها=من يعرف مسيلمه يقنع وعن دربه يشومي
فيه حرب اعلام من بين الدول يعقد لواها=والحروب الطاحنة تدور في ليلة ويومي

مارضيناها لكنّ اللي على نفسه رضاها =كيف يصبح بعد ماسوى.. مقدر ومحشومي؟؟
الله يعز السعوديه بعزه ويحماها =طبقت حكم الشريعه بين حاكم ومحكومي

ما سلم هارون سنه يحجها و آخرى غزاها=يوم جاء نقفور داخل تركيا لوكان رومي
السوالف ياعميل الخير مايلحق مداها=وانت خلك ياعلي بين المحاني والجمومي