تحيزم وانتبه يا صاح للبندق ولاصبعها=ترى الكلمه لها محسوب طول وعرض بالاوزان
ليا عرض لنا راع القشر لابد نرفعها=مشاريه الرجال كبار لا صيدت على الشيخان

يقولون الرجال الطّيبه مخلوف صانعها = تجارب والتجارب قالوا اهل المعرفه برهان
عيون اللي سكن بالعيص شقيت في مضاجعها = ولابه عاقل يرقد ويامن ثورة البركان

ترى نفسك تضويك المهونه كان تابعها=تقودك للمهالك والصحيب مناصحك شفقان
نبا وسمك وكب الناس عارفها وضايعها=تدور السالفه والزبد مامن زبد يا سرحان

اعرف ان ام عامر قد كلت رجال مرضعها = لكني بستعيذ ابخالقي وبلعن الشيطان
تنشدني عن اعلوم تورالك منافعها = وتسير لك بواخر بس لاحمل ولاربان