ترى ما كل رجال ٍ نشوفه لابس ٍ له ثوب = نقول إنه سعودي صافي ٍ فالأصل والعرقي
ترى به فرق بين ديار ما فيها يكود الطوب = ودار غيرها فيها الحيا والرعد والبرقي

حاكم الغنامي

هلا يامرحبا ترحيبةٍ بالشاعر الموهوب =سفير عتيبه الهيلا بدار الساحل الشرقي
بعد بان القمر يابو عمر وش خانه المحبوب =يغطيه القمر ولا سوى مابينهم فرقي

عبدالله العصيــمي

يدوم لك البقا يا شاعر ٍ كمّلت فالماجوب = وأنا شاعر مسيـّـر جايكم فالمنتدى طرقي
يجيك الصبح يا حاكم بشمس ٍ نورها مرغوب = وقود خطامها بالخير خل المزح والسرقي

حاكم الغنامي

يقولون العرب ديس المنيحه من عصر محلوب =كبود الناس محروقه على شرب اللبن حرقي
ليا منا عرفنا منهو الطالب من المطلوب =بذاك الوقت جرت صوتها حمامه الورقي

عبدالله العصيــمي

ترى ما كل رجال ٍ نشوفه لابس ٍ له ثوب = نقول إنه سعودي صافي ٍ فالأصل والعرقي
ترى به فرق بين ديار ما فيها يكود الطوب = ودار غيرها فيها الحيا والرعد والبرقي