اللي معه عقلً يقديه يعرف وسم الامطار=ياراعي الريح عن ريحك تلثم باللثامه .. !!
شعيل لو كان رده عن مسيرة قيد وهجار=ماجاته الناقه اللي لاشداد ولا مسامه .. !!

يابن مطر في طريقك لاتلف يمين ويسار=لاصرت ماتكسب الجزله تعدتك الملامه !!
عز الله إني قبل هاذي عطيتك رمز وإنذار=وألا الطيور العديمه ماتروعها الحمامه !!

اليا عطيناكم الاسرار من صندوق الاسرار=روحو وعودو وكل انسان يفرق من كلامه
ان كان ماشفت لك بالسالفه مدخل ومظهار=لومك على اللي ماعقبك الرصاصه من حزامه

الشور ترجع ورى ياصاحبي لن طعت الاشوار=ماأنته مشدد عرب من دارهم يابودلامه !!
من منطق العقل وألا ياسعد من سوق الاعذار=الهرج يفرق حلاله يالعتيبي من حرامه !!

المشاركة الأصلية كتبت بواسطة ناصر الجلاه (المشاركة 855141) .. أبومطر قرب للأستفاده منكـ :) :) هبي من الغرب ياسحيته وزيدي نار .. يانار=لين العصيمي سعد يونس لهبها في عظامه !! في نجد دار المعارك مايجي للرجل مقدار=ألا بعد مايسل السيف .. ويطش العمامه !!

ناصر الجلاه

هبي من الغرب ياسحيته وزيدي نار .. يانار=لين العصيمي سعد يونس لهبها في عظامه !!
في نجد دار المعارك مايجي للرجل مقدار=ألا بعد مايسل السيف .. ويطش العمامه !!

سـعـد الـعـصـيـمـي

هبت سحيتة وجانا مع هواها عج وغبار=واشوف كلن يقول الله يعقبها الغمامه
انا احمد الله معي سيفً على ماقيل بتار=وان كان تبغاه قرب منه تهناك السلامه

ناصر الجلاه

إن شالك الريح قبل السيل يارجال .. وش صار !=كم من فتى عاش ماحقق على الدنيا مرامه !!
سيفي معي سل سيفك للأعداء ياطيب الكار=الخير ينعاف من دار البخل وألا الكرامه !!

سـعـد الـعـصـيـمـي

اللي معه عقلً يقديه يعرف وسم الامطار=ياراعي الريح عن ريحك تلثم باللثامه .. !!
شعيل لو كان رده عن مسيرة قيد وهجار=ماجاته الناقه اللي لاشداد ولا مسامه .. !!

ناصر الجلاه

يابن مطر في طريقك لاتلف يمين ويسار=لاصرت ماتكسب الجزله تعدتك الملامه !!
عز الله إني قبل هاذي عطيتك رمز وإنذار=وألا الطيور العديمه ماتروعها الحمامه !!

سـعـد الـعـصـيـمـي

اليا عطيناكم الاسرار من صندوق الاسرار=روحو وعودو وكل انسان يفرق من كلامه
ان كان ماشفت لك بالسالفه مدخل ومظهار=لومك على اللي ماعقبك الرصاصه من حزامه

ناصر الجلاه

الشور ترجع ورى ياصاحبي لن طعت الاشوار=ماأنته مشدد عرب من دارهم يابودلامه !!
من منطق العقل وألا ياسعد من سوق الاعذار=الهرج يفرق حلاله يالعتيبي من حرامه !!