ياسلامي على قومٍ تنومس هممها = مبعدين النظر والسر جوف المحاني!!
الامانه مابين الناس محدن قسمها= مار ماصانها المذهوب ,ساحر عماني!!

والله إنه يسر القلب ضربة سهمها=سبق القوم .. في يومٍ يشوق العياني !!
دلة الهيل مع مسمارها وش ضرمها ؟=شبة النار يارجال والعمر فاني !!

مفترض كل فرصه سانحه تغتنمها = ماتلد العيون الحول قدم الخواني!!
النفوس البخيله بخلها من عدمها = مار انا يالعصيمي ماتغيّر مكاني!!

كيف أبى أكل لحمها منعزل عن شحمها=ياوسيع البنايد .. والله اللي عطاني !!
النفوس الكريمه قدرها من كرمها=يرفع الله شانك يرفع الله شاني !!

يالعصيمي شربتو من مرقها ودمها = من قطعلك لزملك ,,يا عريب المجاني!!
لو ناصر من اللي ماتفرّق ذممها = كان نقرا عليه الزلزله والمثاني!!

نارنا بالزنود وناركم من شعمها=والبلا إنك شجيع ولاتدين الجباني !!
صاحبي عيد من قومٍ تعالت شيمها=بس للأهل القضاء قدم قرار وشكاني !!