موسى كليم الله ولا انته يا الجذع مثله كليم = داخل على الله من كلام الزور / والساري سرى
ما عاد تفرق لو تجينا لا بخيل ولا كريم = وش قيمة اللقمه بلا حنجور ؟!! / والساري سرى

استغفر اللي قد دعيته بين زمزم والحطيم = ياشاعرٍ شعرك بدون شعور / والساري سرى
اللي يكد الدقن خمس سنين ويخطب الحريم = ماهو بلاقيٍ في تهامه حور / والساري سرى

ما جيت محرم في منى غير أرجم ابليس الرجيم = وإن ما هداك الله عليك الدور / والساري سرى
لا تنقل البندق ولا تملا الذخيره فالبريم = سابقك مطلق راعي الباكور / والساري سرى

ارجم ابليس وعطني الاخبار في روضه خريم = لن عدت لي من حجك المبرور / والساري سرى
تقول لي جابت ولد وأقول لك ماتت عقيم = العام في تالي شهر عاشور / والساري سرى

الظاهر اني لو آذرّ الملح فالجرح الأليم = تنقل خبرها في ظلام ونور / والساري سرى
هات الرحاء واطحن شعير وبر يطلع سيم سيم = مير اعرض العله على الدكتور / والساري سرى