يا شعيل اللي بركت لحمل مالك فيه طاقه=لانت عظامك منه لو كانت عزومك قويّه
ليش ما يطلب فراقي يوم انا طالب فراقه=انت رجلٍ عنصري و انا ما احب العنصريّه

لو يصير الحمل مثني ماحصلي منه عاقه= وانت خابر يوم انوخ له واشيله ماعليه.
انت رجالٍ نخبرك فيك صفقة واصطفاقه = وان ضويت بحسنةٍ وحدة تدبلها بسئية.

خابرٍ انك يوم شلت الحمل من زود الحماقه= العرب فالدين ماهي في زمان الجاهليه
و الله اني يالعصيمي ماني بقطّاع ساقه=ما نريد الله يبارك فيك نرفع بك قضيّه

مايشيل الحمل الاحمق وانت روقنا رواقه = وانت لو تقدر توقف ماقفي وقفت زيه.
للحواجز ياعلي خابرك ماعندك لياقه = استرح قدام لاذوقك حد النافعية

الحمول أنواع يا وجيه الجماعه و الرفاقه=و انت رجال أجودي واشتلتها من حسن نيّه
الكويتي في كويته و العراقي في عراقه=و العصيمي فالديار من الرياض ليا الحويّه

لو تغير نيتك ياراعي الدعوى الدقاقه =ما تفيدك كلمةٍ بدلتها من غير نيه.
واحدٍ سواق والاخر غشيمٍ فالسواقه = وانت صابك طلقةٍ من بندقي والنارحيه.