المشاركة الأصلية كتبت بواسطة سـعـد الـعـصـيـمـي (المشاركة 852179) ابقاك الله يابو طايل ويشرفني مقابلة شاعر بحجمك يدوم الك البقا والفرق بين البارحه واليوم=تواجدنا معك في منتدى عتيبة هل الطاله انا حرً نداوي لاكفخ يجزع طيور الحوم=ولاني صيد بحر ان جاه طير البحر يشتاله

انا من يوم شفتك عنك ماصديت يازيزوم = ومن لايوفي الماجوب لاعمه ولاخاله.
ترا مابك قصور وصاحبك رجلٍ قوي عزوم = على الطالة خلقت وعايشٍ راسي على الطاله.

أبو طايل منظملة لجان لنصرة المظلوم=سياستها .. ليا جا ضيفك أعطه واخذ من ماله
لبسله غترةً بيضا وثوب ابيض من الجمجوم=بعدها الله يبارك فيه قام ينكس عقاله

ابو طايل على مذهب وسلمٍ من خيار سلوم =ولايخطي ولا يرضى الخطأ من واحدٍ قاله.
والا يابو مطر مايصلح الريحان جنب الثوم = على قول المثل كلآ على حاله واله حاله.

انا اعرفك عصيمي عرق عن درب الخطا معصوم=ولكن البحر لاهاج موجه يصطفق جاله
على قول الغشيم اللي يحسبن الحياة اتدوم=(مريكا نصبت صدام كيف تهد تمثاله) !!