مانقبل الميل منكم وانت حذرى تقبل الميل=طبعي عتيبي ليا منه وقف يرضي عتابه
ترى ضيوف الوفا لاجاتنا تقلط على حيل=لو إننا ماعرفنا الضيف من حضرة جنابه

الصاع بالصاع يارجل الوفا والكيل بالكيل = والنعم في ربعك العتبان والنعم فشبابه
ترا الاسامي مغير وصوف ماسوٌت رياجيل = ياكثر من طوٌل اللحيٌه وقصٌر في ثيابه

ترى القمر فارقٍ نوره بنور النجم ابو ذيل=بين القمر والنجوم الصدق مافيها تشابه
البدو قوم الغنم والذود في هاك المداهيل=الوضع مزري وجمعتهم غرابه في غرابه

ياصاحبي لا تعقدها ترا الدعوه تساهيل = كلن ملا فالفعول الطيبه صفحة كتابة
الوقت خل الثياب البيض مع سود البناطيل= ماهي غريبه بعد مابان فالوقت انقلابه