| معجب العتيبي |
28-Apr-2009 05:05 PM |
شـــلـــهوب
سلام بقاف غيره كم قاف ولا شبيهه قاف=يعيد النشوه اللي من سنة تسعين مفقوده
ليا منّي ذكرت النشمي أذكر راعي الميقاف=وأمال الخير قالوا في نواص الخيل معقوده
النشمي
حليل الشاعر اللي من سنة تسعين ماينشاف= ثمان وعشر ماشفنا ثمر سعيه ومجهوده!!
انا لي لابتن وقت المواقف فعلها ينشاف= لكن اجمع عتاد الجيش ياشلهوب وجنوده!!
شـــلـــهوب
كلامك زين وآقول لك والله ماعليك خلاف=لكنّ اللي على بالي يهزّ الضلع بحيوده
عروش السلطنه هيكل لا زال بديرة الإشراف=وكبود القوم بعدك يالشريف حسين ملهوده
النشمي
انا ماني زبون البندق اللي زمة الاهداف= ترى اكبر عيب فالرجال يوم يبيح بسدوده!!
عروش السلطنه في حكمنا بالعرف يالعراف=ولن جا اطرف ولد دون البلد ويمثل اجدوده!!
شـــلـــهوب
يبا يمرّك زمانك عجل كنّه حذفة الحذاف=ومشروه الغلا خلّه على التاريخ وشهوده
أثر طبع الخيانه عادة ٍ لعديمة الأوصاف=تشدّ رحالها رحلة ذهاب ٍ مالها عوده
النشمي
زمانك لو تاءمل في هله ياصاحبي ينعاف=ولو يحكي لك التاريخ فيه اعلوم مجحوده!!
نجامل ونتهاون لين ضاع العدل والانصاف=لكن اخذ النصيحه روح دم القبر والحوده!!
|
