انا من دون ربعي ياشبيب اقف وامثلها=عتابه ربعي الهيلا كعام اللي يعاديها
ولاني مثل حضرتكم ربوعه دوم فشلها=نبا نعطيك حق الضيفثلاثه مع لياليها

المشاركة الأصلية كتبت بواسطة المكافح (المشاركة 842458) انا من دون ربعي ياشبيب اقف وامثلها=عتابه ربعي الهيلا كعام اللي يعاديها ولاني مثل حضرتكم ربوعه دوم فشلها=نبا نعطيك حق الضيفثلاثه مع لياليها

علامك بالقشر والشر ضيفانك تعاملها = هو الشايب كذا علّمك ماتعرف تقهويها ؟!!
انا ماهضم حقوق الناس واطعن في قبايلها = تركد منت قدي لا تخلينا نحمّيها

سلوم الضيف نعرفها لكن انته تجاهلها=تشيل البندق العوجا وفوق الناس تهديها
تجيب علوم سد علوم والعاقل يحللها= ترى من يشعل النيره لبده ينشوي فيها

ترا ماكل من يعرف حقيقة جاك ناقلها = ابه ناسٍ تعرف الواقعة لكن تخبّيها
اشوفك مثل شيخٍ مبتدع بدعة وعللها= بغى تكحيلها لكن بالاصرار معميها

ليا كان بضميرك حاجة متخبيه قلها= حرام تمغمغ الهرجه وبلسانك تلويها
ترى حنا رجال نقض الدعوه ونفتلها=نثنيها نعقلها نعقلها نثنيها