علي فلاح العضياني

و ألا يالعوازم ربعنا ... عالجوا عيد=بسرررعه لو تقطّون قيمة علاجه
ترى الوضع مزري و المرض يمكن يزيد=و لا ضيقه إلاّ من بعدها إنفراجه

العازمي

نقي المشاعر مايعرف التصاديد = ولافيه بعد البعد غير المواجه!!
ابلعب معك لو الهدف ماهو بعيد = عوايد علي عينه تناجي حجاجه!!

لو إنّك نقي يا عيد ما جيت بالعيد=أثر عيد بالفتنه يروّق مزاجه
ما يشعل فتيل الشرّ غير المقاريد=يا سكّان ظلم اللي كثيره عجاجه

قطعنا الجفا بالوصل بين الاجاويد = وراع الفتن ماقط جينا حراجه!!
اهل ظلم صلفين النيا يامعيقيد = على بال من ضده من الوقت حاجه!!

لقيتك لقيتك ما تهاب المناقيد=أنا أظنّ معك العقل فيه إرتجاجه
يكفّي ولدهم عندنا مثل أبو زيد !!! =لكنّه نشب ما عاد يعرف خراجه

ليا هبت من جمع الرجال الصناديد = تساويت معك وصار ضلعي زجاجه!!
على العرف والمعروف تحتاج توكيد = ولاقد نثرنا الحب قدم الدجاجه!!