أحسب انك حكيم و معك رايٍ سديد=الزراريق ناس قضاه عرّافيه
و أثرك اللي عن سلوم النشاما تحيد=وش يحدّك تقول الكلمه الهافيه؟

انت ثعلي وابن عمي وجار وحديد = والدعاوي ثقال احيان واخفافيه
نوب تقرب قريب ونوب تبعد بعيد = وجيتنا بالعلوم اشكال واصنافيه

نوّكم يا ذوي زرّاق ما هو سديد=شيّ هذا أوله تاليه ينعافيه
والله إنّا عطيناك الكلام الأكــــــيـــد=دوم ننظر قدم ما ننظر خلافيه

لاتصادم جبل لو ان راسك حديد = نص الايام برد ونصها دافيه
قمت افكر واميز فالنهار الشديد = كيف تقدح شرار الجمره الطافيه

إيه ما فيه مثلك في مجال الهبيد=ثارت البندق و لا صبت الاهدافيه
سيف الاسلام في يد خالد ابن الوليد=يحتمي فالمواقف كل ميقافيه

حاول انّك بعد قابلت لي تستفيد = كلمتي من لساني كلها شافيه
انت ماتدري اني معك خصم ٍ عنيد = واعرف العلم كله لو بالاوهافيه