أنا أصرف من ذهب ياتاجراً تصرف من الدولار= تراني من قديم الوقت طابخها وشاويها
ياشين الرامي اللي لا رمى يرمي بدون أعيار= يزاحمنا على المعناز والاهداف يخطيها

تبا مني كلام الصدق هرجك ماعلاه اغبار = ولكن الوجيه البيض مابانت مواريها
تذرا عن عيون القوم وانت الفارس المغوار = ولن قلنا لك ارقا فالطويله قلت راقيها

يدورن الليالي يالثبيتي والفلك دوار= وحنا لحتمى الميقاف نعقلها ونثنيها
أنا أحد العداء وأصدهم بالصارم البتار= لكن أنته تجامل روسها وتحب أذانيها

الله الله

هذا ديدنك من وقتاً مضى يالثعلب المكار= تلوم أهل المراجل وانت حاميها حراميها
حرام أني لسوقك لين تلحس نار ابن عمار=بعدها تقبل اسلوم العرب والا تخليها

هذا حظك مع اهل العرف !! عزالله نقول مجار !! = نبا نكحل عيونك بالمعاني وانت تعميها
تسوق الذيب وانته صيد له هذا الحكي ماصار !! = وبعضات العلوم الله يستر من تواليها