هلا يامرحبا باسم الشجاع مكمل المطلوب = خليفه طال عمره معطي الشعار واجبها
انا شاعر وادور شاعرٍ مثلي يسد النوب = على سلم الرجال اللي رفيعاتٍ مناصبها

يدوم الك البقا باسم السعود بكل صوب وصوب = رجال المجد والتاريخ دايم نستعز ابها
يجيك اللي عن اهل المعرفه والطايله مندوب = وحنا نعطي اهل المعرفه دايم مناصبها

سرينا يالعتيبي والسلامه حبلها مقضوب = بعد ماتت حيايا الارض لاتامن عقاربها
عيال الروم قوم ومالهم في الجامعه منصوب = ثمان اسنين محسوبه تطالبني واطالبها

توكل وانت جايك واجبك يلي تبا الماجوب = لكن المزنه للهحين مابانت نصايبها
عيال الروم قومٍ ينصبون الطوب فوق الطوب = وقايدهم عن الغارات دايم ما يجنبها

بعد راحت علوم ايوب ماتحتاج صبر ايوب = رصيدك في حسابك والضماير لا تعذبها

على خليفه راعي الوقفات والمد الجزيل = سلام تسليمه وفا لاهل الوفا نبدابها
الادمي لو زل عمره ما قبس نار الفتيل = فاته قطار العمر يوم النار من شبابها

نقولها للي حضر والليله الماقف جميل = يامرحبا واهل المعاني مايضيع احسابها
لولا المواقف كان ما بان الشجاع امن الذليل = واهل المواقف المواقف سجلت كل العبر بكتابها

كان الرشيدي بعد عمره ذاه ماعنده حصيل = والله ليبطي بندقه ماوكدت مضرابها
بنت الهلالي تذبحك ياخوك بالطرف الكحيل = لكن ما ترضى كذا بصحاب غير اصحابها

اللي على عد الروى يعرف وش الحبل الطويل = واللي مكلف في مهمه دايمن يشقابها
بنت الهوى دون الحقايق والمعرفه والدليل = واهل المعرفه ياولد كل الحقوق اولا بها

وين اختفى موتر قديمٍ من قديمات الموديل = يالله يا ستار تسترلي على غيابها