شد حيلك يازياد ولا تهندب فالخيانه=ثم تونس ضربت المشعاب من بين الاذاني
ما انت باطيب من شجيع فاللقا يسرج حصانه=يوم تتسابق على فنجاله اطوال اليماني

اشهد اني طحت لي في واحدٍ ماهو تكانه = اكتشفت الرجل يا اهل العرف من نطق اللساني
كيف ودك تنطح السيف الصقيل بخيزرانه = كل ما عشت بزماني شفت عجبه في زماني

اشهدنك ماتسد اللازمه وبكل امانه=فيك يكفي عن رهيف الحد لدن الخيزراني
انت مالك مذهب تمشي عليه ولاديانه=ديننا الاسلام لا تدخل عليه بدين ثاني

تعرف العالم مكاني يوم انا عارف مكانه = حسبي الله بعد ما حطاه حضه في وزاني
ليت من قصر يدينه كمّل وقصر لسانه = لجل ما يطاول هل الطاله رفيعين المباني