الخير فينا نحمد الله ننبذ الكف الشحوح= والمشكله في اللي صلاته ماعرف يركعلها
البس مكبّر للحروف يبين لك حرفٍ نصوح = مدام هبتبك خطا والمخطيه تسرعلها

المشاركة الأصلية كتبت بواسطة العازمي (المشاركة 821363) الله الله ابو عماد طائر الاشجان طاروق كبار صحت السنتكم

الخير فيكم والسوالف كلها لعب مزوح = حنا ليا شفنا العلوم الطيبه ننشطلها
وان كان عندك ياطويل العمر للمنصب طموح = قدم لنا المعروض والسيره وعندي خلها

ابو عماد

الشاعر الواثق يجي واللي ماهو واثق يروح=سلام رده والتحيه فـال مـن يطلـع لهـا
الليل باديتةٍ نجومـه والسوائـر ماتـروح=واللـي يـدور للسمينـه مايغـره فعلهـا

طائر الاشجان

يامرحبا ترحيبة ٍ مثل العطـر دايـم تفـوح=والشاعر المفتول لاشـاف السبـاع اقبلهـا
يابو عماد ان كان لك فالمعرفه مجد وصروح=هات العلوم وكـل عقـده فالحبـال نحلهـا

ابو عماد

دام البقا بأحلا الحروف اللي يداون الجروح=والشاعر الفاهم ترى الغلكات ما يشفع لها
ياطائر الاشجان جعلك راس للقصيا نطوح=جتك المخائل ونت اشوفك مانظرت لثعلهـا

طائر الاشجان

الشاعر الفاهم يعلٌيها على روس السفـوح=واليا طلـع يطلعلهـا واليـا نـزل ينزلهـا
انا ماصدق فالمخيله لين اشوف البرق يلوح=بعض المخايل ماتبٌـل الارض لـوٌ تهلهـا

ابو عماد

لاتعتبرها مهمله من غير راعي لـه شبـوح=اللي على غيـر السنـع يالقـرم مانسمعلهـا
العرق في وسط الثرا من صادق الواسم سبوح=واغصونه اللي فوق راسك ليـش ماتربعلهـا

طائر الاشجان

مدام فيك الخير شب النار وقدورك تفوح=بيت الكرم معمور والاجواد نعرف دلهـا
حنا وصلنا للقمر وانته يادوبك فالسطوح=الطير ابو جنحان ياصل للكواكب كلهـا

ابو عماد

الخير فينا نحمد الله ننبذ الكف الشحـوح=والمشكله في اللي صلاته ماعرف يركعلها
البس مكبّر للحروف يبين لك حرفٍ نصوح=مدام هبتبك خطـا والمخطيـه تسرعلهـا

طائر الاشجان

الخير فيكم والسوالف كلهـا لعـب مـزوح=حنا ليـا شفنـا العلـوم الطيبـه ننشطلهـا
وان كان عندك ياطويل العمر للمنصب طموح=قدم لنا المعروض والسيره وعنـدي خلهـا