| حاكم الغنامي |
04-Mar-2009 07:16 PM |
حاكم الغنامي
يامرحبا بالعصيمي عد وبل الغمام=في حلةٍ للكـرم ماينقفـل بابهـا
مدام بينك وبين القوم طال الكلام=لابد غبر الليالي تحسب احسابها
سحيم العصيمي
دام البقاء يامرحب قبل رد السلام=والله يخارج من النكبات واسبابها
كانك تقول الحقيقه مايجيك الملام=يعّرف مقام اليمين اللي تعشابهـا
حاكم الغنامي
من لاحما مآقفه بمثـورات العسـام=لاعاد يشره على الدلـه وشرابهـا
ياخوف قلبي تطوف ولالبست الحرام=ثم تزعل ام القرى مكه ومحرابهـا
سحيم العصيمي
يامكثر الهرج والاخبار قبله وشـام=لكن خل البقر فـي يديـن جلابهـا
لاتقربون السيوف اللي تقص العظام=ياللي تلويـت فالسكيـن وانصابهـا
حاكم الغنامي
ياربعنا اللي لكم فالمجد ذروة سنـام=الوقت وقت الثعالب ماتـت ذيابهـا
ماهمني يالعصيمي لا علـي الحـرام=سيفي معي والضعوف تشيل مشعابها
|
