ادري انك. في دروبك. ياعميلي منت غاوي=لكن الدنيا بها حسادها....والعالم الله
كل طيرٍ .مخلبه عشاه. والطيّب غناوي=وكلٍ دارٍ تنعرف بأمجادها....والشاهد الله

عقب ماجه المطر وين انت يالنجم السماوي =ذبت ولا طحت من مرصادها ...والعالم الله
مانبا نطري علومك خايف اتطيح امتساوي=والقضيه مثبته بسنادها ...والعالم الله

عقب ماجه المطر ماغبت لكنك عماوي=لاتجيب العيد قبل اعيادها....والعالم الله
الجزيره ماتجيب الا الكوارث والبلاوي=ماتصدق غير وسط بلادها....والعالم الله

ياجري القلب مدري يالطوير الببغاوي =تلّحق الدله ورى برادها ... والعالم الله
في نهارٍ تجتمع فيه النخاوي والعزاوي =القوافل وين روّح زادها ... والعالم الله

صاحبي نفسه تبا ياناس دكتورٍ مداوي=صابها من همها مازادها ....والعالم الله
في نهارٍ تجتمع فيه العزاوي والنخاوي=فيه ناسٍ ماعرفت امجادها ....والعالم الله