العتيبي لويشوف الموت قدمه مايهابه=علم اهل الضلع يافواز لاتنسى كلامي
ثاني الطابور وينه راح ماحين درابه=لاتحداني وابوحدين بتار العظامي

العتيبي لانصى الغاره نثر حتى زهابه = وان نشدته وش علامك قال انا مدري علامي !!
خل ابو حدّين خلّه يالعتيبي في جرابه = ياحرامي ريمه اللي مالها غيرك حرامي !!

ابو تركي

السعيدي غاب مده والله اعلم عن غيابه=من يجب الناالخبر في نور والا في ظلامي
ياهذيل اصحابنا معاد فالدنيا غرابه=احد سالي في حياته واحد عينه ماتناميِ

فواز السعيدي

القضيّه فالفضا بين القرايه والكتابه = ليت حنجورك يسوّي مثل حنجور الزلامي !!
لو يعدّون الغرايب مانبا ننسى عتابه = مار قول العمدة اللي مات جعله للرحامي !!

ابو تركي

القضيه كايده تحت التطلع والرقابه=وانت شيخن ماتميز فالحلال وفالحرامي
لا تحرفها ترى خصمك على نهج الصحابه=تدري ان الميت حي ولاعلى مثلك ملاميِِِِِِِِِِِِِ

فواز السعيدي

ليت ابو تركي يعلّمنا متى فصّل ثيابه = مابقى الا البشت ثم يصير لعتيبه محامي !!
ياصليب الراس ذيب الضّلع غرّ من الذيابه = كثرو العربان يالغالي وكثرنّ الاسامي !!

ابو تركي

ابوتركي لا يحطك فوق ضرسه تحت نابه=وانت بارد دم ماعندك سلاح ولاحزامي
ماقصدت الذيب انا قصدي سوال ابغى جوابه=ياهذيلي مالقينا معك تفسير الحلامي

فواز السعيدي

انت روحك لو يطول الوقت مافيها طلابه = مانلومك لو رهشك ابليس ملعون الرّسامي !!
مانغرّ العلم واللي تطلبه جابه بجابه = ماتجيك الرّميه اللي تنطلق من غير رامي !!

ابو تركي

العتيبي لويشوف الموت قدمه مايهابه=علم اهل الضلع يافواز لاتنسى كلامي
ثاني الطابور وينه راح ماحين درابه=لاتحداني وابوحدين بتار العظامي

فواز السعيدي

العتيبي لانصى الغاره نثر حتى زهابه = وان نشدته وش علامك قال انا مدري علامي !!
خل ابو حدّين خلّه يالعتيبي في جرابه = ياحرامي ريمه اللي مالها غيرك حرامي !!