يا احمد الملاح ياولد الحلالي = ماقدحنا الزند في راس الفتيله
ماعليكم زود ياصحاب المعالي = العطاوي والمقاطي ياحليله

ان بغيت انصحك يا طير العلالي=قلت لي ليش الكلام اللي تحيله
يا العطاوي كان ابا شوف العيالي= لازم المترس يجيه اللي يجيله

يالمقاطي راس مالك راس مالي = انصح الي ورط الهندي كفيله
عن هذاك الدرب قفلنا المجالي = لاتذٌر الملح فالعين الكحيله

النصيحه لازمه يا ذا الموالي=كان في سوقك تعرف المستحيله
ان بغيت اشوف ليله مع ليالي = مير نوم العين ما تقدر تشيله