| معجب العتيبي |
23-Feb-2009 01:14 PM |
بادي المراقيب
أنا أشوف السعيدي فوق ضلعانه يجر الصوت=ولا يشين صوته يوم جره فوق ضلعانه
ينبش ف القبور المرمسه وهوه قليل بخوت=وسوم ثبيت في كبده وفي علباه مليانه
فواز السعيدي
الا يا طيب رجالٍ يجيب السالفة بثبوت = ليا جات الدعاوي ما يميّل شوك ميزانه !!
صحيح الصوت ماينفع بعد مافات كل الفوت = وانا شفت الثبيتي مافزع مع فزعة اخوانه !!
بادي المراقيب
تبا تلعب على المزمار لكنك بلا نبوت= ضربك الزار والمزمار يدحس فيك شيطانه
انا خابر ترى جرتك ماتاصل ليا المنحوت=وش لي قربك ضلع الحجاز ونار دخانه
فواز السعيدي
انا حوّلت في بحر المعاني لجل ذبح الحوت = وانا عارف بحر جده والا ياكثر حيتانه !!
الا يالربعه اللي تحسبون الدمّ مثل التوت = لو ان الدمّ مثل التوت كلن صبّ دمّانه !!
بادي المراقيب
تبا تضبح وتكلخ يالسعيد ماتحصل قوت=وعود في مغدك اللي بضلعك وسط شعبانه
ولا يالربعه اللي للمكده مثل كد فروت= عسيف ابكاركم وحواركم يسرع عسفانه
فواز السعيدي
لكن انته مطوّع ماتحب الثعلب السربوت = تصحّي خلق ربي للصلاه وسيرتك زانه !!
تشوف الناس في طبعك واظنّك فالزّمن مكبوت = وانا اللي سامعٍ لي يمّكم ليحي ياليحانه !!
بادي المراقيب
لاتقرب ياسعيدي للمطوع ثم يشوتك شوت= بعدكسر صنمك اللي تصلي له بقربانه
ترى في صفحت التاريخ الك داراً عليه ابشوت=يمره كل طرقي كان ون الكبد ظميانه
فواز السعيدي
ياراع الشجرة اللي بذرها بين العرب محتوت = وكلن جاي للشجرة بذرعانه وقدحانه !!
هذيك تجارتك من عام الاول لين حتى تموت = تبيعون العنب والكل يمدح سعر دكّانه !!
بادي المراقيب
تقوله ونت راعي موتراً كله يخر ازيوت=ليمنه مشى ف الدرب عسكر عان دخانه
نبيع ونشتري فيكم نسوي في هذيل انكوت=تنشد ياسعيدي لن بغيت الصدق مرجانه
|
