وانشدك من اهل الطيب مقدام=خلك معي فالدروب المستقيمه
نسن على اصحابنا ذعذاع الانسام=والقصدمشروح في عرض الوسيمه

سلام ردة وفا يالمشرف العام=ياشاعرن لك مع الشعار قيمه
انااحمد الله حفظنا دين الاسلام=يوم الثمانين راحو مع خريمه

مرزوق

عداد دور الليالي هن والايام = يامرحبابك تراحيب الحشيمه
كانك من اللي يطبق كل الاحكام = غنمتها واعتبرها افضل غنيمه

انااحمدالله من اللي حظهم قام=ِِِِِِمسلم سعودي ولي مذهب وشيمه
اطيور شداد ماتحصى بالارقام=قامت تهاوى على الموت وجحيمه

ابو تركي

ان كان تبغى اليمن ..ولاّ تبا الشام = انا معك فالرخا .. ولاّ العظيمه
وان كان هبت لها قاده وخدام = ماقادها الا الرياجيل الفهيمه

انا اعرفك يالعتيبي درع وحزام=موقفك يفرق خصيمن من خصيمه
على جبال النقا رفن الاعلام=حتى جبال الخنا تصبح حطيمه

العلم يرفع بلد ماهوب هدام = مير البلا فالمفاهيم العقيمه
الكبر والزود حوّل راس صدام = لكن عز البلد يالله تديمه