مانقر العلم والله دعاك بشاهدين = والله اني من كلام الثبيتي مانجرحت !!
انشد النشمي ومعجب وكل الحاضرين = من بني عمك يجيك الخبر (وش فيك صحت)

الخطية ماتجي من رجال طيبين = لن فهمت الدرس ولا يابن عايش شرحت
احسبنك من هل العرف والجنب المتين = لين اريت اعلومك اللي بعدها ماصلحت

انت شاعر صح مايختلف فوقك ثنين = والمعاني هوش ياتنطرح ولا طرحت !!
والله اني فاللوازم كما الحيد الزبين = مار وين المشكلة لو مع اصحابي مزحت !!

كان تبغاها كذا ابشر الك بعلم زين = ابك اقلك قوم وانته على طول انسدحت
سالفه ياكبرها منك يابو حجتين = راسب من العام فيها تحسبنك نجحت؟!

صاحبك يمدحك وانته ورى خاطرك شين ؟ = الزم الميقاف ياصاحبي دام انمدحت !!
يكفي اني مع هل الدار قبل انك تبين = وين راحت فزعة اثبيت وانته وين رحت !!