تقوله والشواوي فيدهم ما غير عشر تيوس =و واحدهم ليا شاف الخطر بالرجل ما داسه
ترى بعض اللحا لو حرك الحلاق فيها الموس =غدت يالعازمي من قسوة الايام محتاسه

عليك الهون يالعمده ولو حظك طلع منحوس = بعد كلٍ ورد ماشرب راع السطل والكاسه
ياعمدة حي وصلنا لبيتٍ بالرضا مانوس = زهقنا من علومٍ مابها تفكير وسياسه

عليك الشمس ساطع نورها يا شايل الفانوس=وميقاف الرجل محسوب عن ربعه وعن ناسه
ليا منك حميت المعنوي نظهر لك المحسوس=ونرمي بك تحت غبة بحر ما تعرف قياسه

قدم رجلي يدوس الدرب لوّنه مظلّم دوس = وهاذي ليلةٍ قمرا تزيل الهم واوناسه
على خد المطيه وسم والشاهد ماهو ملموس = وهاذيه قضيه فالدير بالحيل حساسه

بوالين الهوى ياللي تحاميها من الدبوس=تحيزم دونها والسوق ماسه يغلب نحاسه
والا يا ذود ياللي فيك وسم المالك المحروس=شعيل يعيش حر وما عليه وسوم للساسه

بنوك سويسرا فيها ذهب صافي ونقد فلوس = إذا ودك دبسنا اسمك على بابه بدباسه
انا ماني بخابر حب فالديره دخلبه سوس = عروقٍ بالوفا تظهر وعكس اعروق يبّاسه

شهد خايب رجا بهتان والمشهود له متعوس=وانا ما الوم حطاب الشتاء لو شب في فاسه
نشدت العازمي وابغا جوابه والرجال جلوس=قبل سود الليالي من دهاها تقلع اضراسه

علومك يارعد دايم تجي من خارج القاموس = عليها مايتعّب راعي الهوجاس هوجاسه
مادامنّك كذا لابس من الخافي ثلاث لبوس = يجيبلنا الخبر بكره عن الامطار عساسه