ماهيب هقوة خصيم الرز ابو كاس=الراس مطنوخ والنيه سليمه
ماشفت نايف ورى الهمال عساس=وابوه قدمه منفذ في بريمه

يقلون من لا يدوس الراي ينداس=ياناصر اكثر سواليفك قديمه
بعض العرب للثياب البرق لباس=لاكن حنا لنا هيبه وقيمه

ياللي ذبحت الرجاء لاتحيي الياس=شريم ناره بلاها من شريمه
بعض العرب في قدوره يطبخ الفاس=يقول يبا يعقب السيل ديمه

لاتحسبنك تجيب الدر والماس=الحرب ياصاحبي نصر وهزيمه
ماكل فارس يصخر قب الافراس=لاتتبعون الشياطين الرجيمه

البن ماينحمس من دون محماس=ومن لايريده لعله بالحريمه
لا لاح برق المزون وهب نسناس=خلك مابين الغراره والوضيمه

اكليب موته سبايب رمح جساس=تراك مجنون والدنيا مقيمه
وقت المواقف تري مافيه مجلاس=والامن سايد عسي ربي يديمه

اثرك خواف يانايف وحساس =شوي يانايف تذب الخريمه
الـ كل حاجه مع الايام مقياس=تبين فالوقت من سينه لــ جيمه