انا الليله نويت انحت على صم الجبال حروف =على مر الزمن ماتمحي لو كان ماكاني
نصيبك يالعصيمي ملتوي مع هيئه المعروف =ومنك الكل زاعل فالبلد والشيخ زعلاني

وانا الليلة نويت اسل في وجه السيوف اسيوف=وفعل السيف يبقى ماتغير طول الأزماني
تعبنى والتعب ماهوب في بعض العرب مخلوف=ياحاكم وصل الكلمة لهم واحد ورى الثاني

ترى ودي بسيفك كل مخلوقٍ تلوفه لوف=ولكن وينك انت ووين ضرب السيف شاماني!!
توقع ياولد عايض وقافك لايجي مكشوف =ترى ماودي اضّحك عليك الناس من داني

انا فعلي مجرب وانت من فعلي ذبحك الخوف=لاكنك لاتجي فالدرب من شانك ومن شاني
بعد حطوك مشرف وضحكوبك والرجال تشوف=وعدوك الوسام وسكتوكم يالعريباني

يحّزن خاطري لاشفت مثلك فالزمان ضعوف =تحرى لقمةٍ راحت عشا في بطن جيعاني
هذاه اسمي وسامي فيه من وصفه علي وصوف =ويكفيني ويفرض هيبتي في كل ميداني