المشاركة الأصلية كتبت بواسطة ابن سرحان الثبيتي (المشاركة 801264) مرحبا يامحمد المنصوري مليووووون اسعدتنا بكلامك الله يسعدك هلا يامرحبا بالدره اللي في يد الغواص =وهي اغلى من العمله والاسهم في محافظها محمد يامحمد ما كسر ظهرك ركوب الشاص؟!= الي وجهة نظر واعلنتها لو كان ترفضها !!

سلام الله سلام يدفعه قدر وغـلا واخـلاص=ااقوله من ضميرٍ يفتـل الحجـه وينقضهـا
ابن سرحان مثل الكبتن مناحي يسوق الباص=وعينه مايشوف بها المطب مدري مغمضها

هلا يامرحبا بالدره اللي فـي يـد الغـواص=وهي اغلى من العمله والاسهم في محافظهـا
محمد يامحمد ما كسر ظهرك ركوب الشاص؟!=الي وجهة نظر واعلنتها لـو كـان ترفضهـا !!

ثلاث مرار فجنوبك توقـع رميـة القنـاص=الاحظها وغيري ياابن عمي مـن يلاحظهـا
وجرتك الجديدة فالبهيته قصهـا القصـاص=وبعض الناس تشفيها وبعض الناس تمرضها

صحيح الذيب يومنه عدا يمكن رمي برصاص=ولكن الوكـاد انـه تعشـى مـن فرايضهـا
ولن دقيت زير الملعبـه سميتـك الرقـاص=وتلقى جرتي فالحمضه اليا ذقـت حامضهـا

انا بكرة نويت اثني عن اللي في لزومه حاص=مدام الفزعه الموقف على الرجال يفرضهـا
تجي لك كامله وترد بالاربـاع والانصـاص=وانا احسبك تهوش بعزم والارنـب تربضهـا

تحرز من كوابيس المنام بسورة الاخلاص=ولكن البلا يا محمد ان ماكنـت حافظهـا
يدورن الليالي والحرار اللي ورا الاقفاص=تموت من القهر وانته تكثر في مواعضها