ياسلام الله سلام جاي أبا أبداء به واعـده=للرجال أهل الوفا وأهل الشجاعه والشهامه
العدو ياربعنا لا رحم ابـوه ورحـم جـده=يقتل ويسفك دماء شعب حصل فيه أنقسامه

مرحبا لا جا السـلام ومرحبـا باللـي يـرده=انت راعي طيب ونته من رياجيـل الزعامـه
انت لرديت كفـك عـاد كفـي كيـف امـده=ان مشيت اخذ الشداد ولن جلست اخذ المسامه

البقابك يالمرحب شيء في خاطـرك بـده=وأنت وافي يارجل وأنته تـدور للسلامـه
وأنا مارديت كفـي مـار كفـي لاتصـده=وأن مشيت أمش معي لجل ماتلحقك الملامه

ليم الزود وخذهم من جداره لين جده=ولوعد بكره وجيك بعالمٍ مثل القيامـه
العتيبي لا نخيته وصل الموضوع حده=مار لا تنخى وعذر فالعقال مع العمامه

جاهزين الزود أنا محتزيهم منذو مـده=والوعد لاتخلفه يلزمك ياصاطي صرامه
العتيبي والنعم فعله ينومـس وهوقـده=وأنا ماحب الرجل اما التزم لي في كلامه

شوف لي شرشف جديد وشوف لي مثله مخده=ولا تصحيني لو ان القوم في ضلع الرغامـه
عان ابو زيد الهلالي فالمراه يشـوف خـده=وش عليه منه جعل السيل يدخل فـي خيامـه

واجب الرجال يثبت ماقفه في وقت شده=يحتزم قدم العدو والصفر في داخل حزامه
مايقول اتركني أنا وأن بنى جدره ماهده=واللي ماصلا وصام الله مايقبل له صيامه