شبيب شاعر محنك عاليً مستواه=ماعقب الارجالً نسلب اثيابها
ابن حبيب بلش لكن ضيع عشاة=والظاهر انه عشا للطير واذيابها

شبيب شاعر ولا يبغى شهادة قضاه= ماعقب الا رجال ٍ تفتل اشنابها
ليش انت ناصب خيامك في محل الرماه = دٌور على الديره الي تعرف شعابها

اعرفك دايم تقطع في فروض الصلاة=امحرمً تدخل المسجد ومحرابها
حضرت من شان تطويع العدو العصاة=يوم ان بعض العرب ماتنهض اركابها

انته تقوله ولا تعرف شروط الزكاه = منته من اهل الصلاح ولا من اصحابها
محدن يحصل من الفقران رزق وغناه = ليته يروٌح مع الحمله وقلابها