ماعلينا زود والله غفار الذنوب=وكلمة المعرف ياسعود بالله عدها
ماتتوب الكاهنه وستعدت للحروب=وانت ياراع الزراعه متعرف للدها

يوم جينا نحلب الديس والديس امحلوب=ناس تبغا تحلبه ناس ماهو ودها
وأنت مانته يالعصيمي علاها بمغصوب=من بناها فاول الوقت ليه ايهدها

طب فا الميدان ياسعود قدام الغروب=واخذها من كف فارس سيوفه حدها
وانت فارس يا لعصيمي مجرب ومحسوب=والعلوم الطيبه للرجال اتمدها

جيت ياأحمد وش تبا من شمال ومن جنوب = صاحبك رمحه معه والهجووم ايصدّها.
مس فحبال النجيبه وميّز فالدروب = والعلوم اللي تحسك بصدرك بدّها

كفو والله يالعصيمي تغلق كل نوب=مد يمناك الكريمه وانا بشدها
مسها ومسها والوعد ياذيب صوب=صوب دار(ن) لازم امن العدى نرتدها

ماعليكم زود ياللي توفون الوجوب = سرها ياصاحبي عدها واعتدها.
ماتتوب الكاهنه عن عملها ماتتوب = وانت رجلٍ في راعه ولاانت بقدها

ماعلينا زود والله غفار الذنوب=وكلمة المعرف ياسعود بالله عدها
ماتتوب الكاهنه وستعدت للحروب=وانت ياراع الزراعه متعرف للدها

يوم جيت ابا اقتل الذيب نفخت الذروب = راقدٍ قلبك وعينك علي اتلدها.
ماصحيت الا بعد ماامتلى راسك ضروب = جاهلآ قلبك بجزر البحور ومدها

يوم جينا نحلب الديس والديس امحلوب=ناس تبغا تحلبه ناس ماهو ودها
وأنت مانته يالعصيمي علاها بمغصوب=من بناها فاول الوقت ليه ايهدها

كل عقرب سمها في ذنبها والكعوب =دورة الايام فوق العجم لابدها.
كلنا ندري ونعلم بشغلات اللعوب =لو تصرح لي علاها لعنا جدها