الشجره اللّي تحتها فيه ظلٍ ظليل=عسى الحطاطيب ماتقرب من غصونها!!
أنته تكلم ولا عندك شهود ودليل=ماغير كلمتك تبغى الناس يوحونها!!

كان انت حارس على الشجره بسيف ٍ صقيل= وش فيك خليت كل الناس ياطونها
اللي سمع لك يقول مكون المستحيل = وانته من العالم اللي تسحب ردونها

ماني لذرّية آدم يالعتيبي وكيل=سفينتك وين متجهٍ دركسونها!!
ياخُف هرجك ودمَّك يمكن أنه ثقيل=لكن درج قدم رجلك على هونها!!

افخر لو اني عتيبي من حماة الدخيل =لكن تراني من رجال ٍ يعدونها
ياكثر هرجك لكن الفود منه قليل = لكن بضايعك رجعها بكرتونها

والنعم ابك والعذر من ربعي اهل الجميل=بغيت اغيّر بسايرها وقانونها!!
لو ان عندي خبر باسمك ورقم الفصيل=طحنت حبتك يالغالي بطاحونها!!