الله اكبر كل واحد قام يرسل لي خويه = والرموز مشربكة لو قلت حاجيكم حجايه !!
كان سلطان الجذع وده بفصل المشقبيه = لا يلمح لي واناعرف الكتابه والقرايه !!

انت ماتحمل هل الوقفة فزوع ولاحميه = مير ابا أخذ معك ساعه لو تنقص مستوايه
كيف تنكر ماذكرنا من عصور الجاهليه = ياكثر صبري عليك ومعك ياامطول عنايه

انت تشتال الخصف ولا تشيل الجودريه ؟ = لا تقلي بندقي لا شلتها تنفض خبايه !!
مادرينا عنك ..بالله صدق؟ .. اجل هات الحذيه = يوم عصر الجاهليه عشت ماشفتك معايه !!

دوبي استحضرت قصة ( لا بلاك الله بعيّه ) = قمه الاعجاب عند أبليس وجهه فالمرايه
العمى ماشاف نور الشمس يوم الشمس حيه = ناقصٍ ليته يكمل بالبصيره والهدايه