الهيـــــــــــــلا *** منتدى قبيلة عتيبة - وفاة الشاعر الكبير سويلم بن هندي العريدي

قصيدة في الشاعر المغفور له بإذن الله سويلم بن هندي العريدي الثبيتي

مالوم ابوهزاع في عبرةً له -=-=- بغى يذاودها وهلة غصـــــــــــــــيبه

وان كان هل الدمع عيني تهله -=-=-وكلن بكى راع العلوم العـــــــجيبه

سويلم ولد هندي عساه ولعله -=-=-يكسب خضر جنات عدنٍ نـــــصيبه

نرجيك ياللي بالدعا وامرٍ له -=-=-اقبل دعانا يالولي واستجيــــــــــــــبه

مرحوم ياللي ما يعوض محله -=-=-يا كبرها يا عبرها من مصـــــــــــيبه

واسيفنا اللي بالمواقف نسله -=-=-كم من عدواً مجلداً مـــــــــنه هيبه

شاعر علم كل الملا شاهدن له -=-=-فرايده وســــــــــط الجزيره غريبه

يلعب بها اللي معتلي فوق تله -=-=-واللي سرا من فوق وسق النجيبه

واليا حضر في مجلسن ماتمله -=-=-كل الوجيه تلد يـــــــــــــــمه رقيبه

يالله يامنشي المزون المظله -=-=-احسن عزانا فيه شـــــــيب وشبيبه

سالم بن حرقان العريدي الثبيتي