تبدا كذا والا كذا خابرك وقت الجد ماش = هذي حقيقة فيك كل اصحابنا يلقونها
والديرة اللي من مزون الوسم ماطرها رشاش = ماتحمل البدوان يالصاطي تسوق ظعونها

قلوبكم فيها بلا وعيونكم فيها غطاش=متى تشوفون النجوم البيض وتعدونها
الله وكبر مات ميتكم وتال الليل عاش= وصبح يعلم عن خبر ليلى وعن مجنونها

الناس حاشت خير وانت أدري بحظك ويش حاش = مااحدٍ يبا الزقوم لو مال الهوى بغصونها
ياصاحبي مايجحد فعول النشاما غير لاش = ليت القلوب الغافلة مابيّحت مكنونها

المرجله شي على راسي وشي لي فراش= وام اليتامى والضعوف املا لها ماعونها
كل العرب شافو رقيه في مسلسل طاش طاش= لكن ماندري متى فالمقبره يلقونها

المرجلة صعبه من قصار اليماني ماتناش = وام اليتامى طبعها طبعك ولونك لونها
كلمتك هذي معك روح ولفها وسط القماش = اللي على راسك ترى ماابغى العرب يوحونها