فرسان من صنع سواس / سواس يسرج له امهـار = ضلالةً في ضلاله / بالدين / والنار حيه
بالدبدبـه ضاع عسـاس / من يرتجي منه الاخبـار = مسكين يتّـم عياله / هو ويـن / والنـار حيه

اركب على قب الافراس / وانطح طميه وسنجار=يمكن ترجع حلاله / بعدين / والنار حيه
تنسى معونات الافلاس / يومك على صك الاعسار = ناخذ عليك الكفاله / عامين / والنار حيه

اليسـع في ملة الياس / ردو على ضلم الاحبار = الحق بيّن مقاله =يا سين / والنار حيه
من ضيم الارياق يباس / من جوع ضامر وضمّار = ياتاجرً ضاع ماله / بالدين / والنار حيه

ماسد في كليب جساس / غيره صغيرين وكبار =يستاهل اللي جراله / مخطين / والنار حيه
لاباس لمثيب لاباس / شيّال حمّال الاسفار = خسّر جنيهه رياله / قصدين / والنار حيه

بنصر وفي حبس محباس / دقو عى شانه الطار = الليل تو ايحلاله / يمين / والنار حيه
راعي غنـم واكرم الناس / واشيل تايه على حمـار = واللي يدور جماله / وافين / والنار حيه

خلك مع خليف دواس / عارٍ على جرة العار =والآ الذهب والعضاله / غالين / والنار حيه
عندي لكم قطع الانفاس / لاصار بالوضع ماصار = عن نجد بعد احتلاله / جالين / والنار حيه

ياسوار من حس حساس / اهديت له طقم وسوار = يقول مالك وماله / نصفين / والنار حيه
خليف للشعر نوماس / من هاجسه فن الاشعار = شعاركم في ثماله / للحين / والنار حيه

يامثيب خل التغطراس / منته بنافع ولاضار =غاب القمر مع هلاله / شهرين / والنار حيه
لك كلمة بين الاقواس / دامك طريقي ومرار = حنا لكسب الجماله / شارين / والنار حيه

انفث على وجه خناس / باياتنا قبل الاسفار = وادعي وافكك حباله / امين / والنار حيه
قاعً من السبت منداس / ماتت على دوسه ازهار = من بينها اضرب مثاله / ضلعين / والنار حيه