معروف ماني مثلك=لكن خلك مهلك
عود ودور لهلك=والليل ساري ساري

ياصاحبي لن وصلت الدعوى ليالزم الحلوق=يمكن من الذله تهج القوم عن مرحانها
جبلي من اللي يعرفونك واحدٍ عدلٍ صدوق=ماتنتصدق حجةٍ ماينعرف برهانها

تـحـيـه وســلامــي=لهل المقام السامي
لـو نذكـر الاسامـي=الليـل طـول طــول

سـلام يـا شعـار والهـيـلا علمـهـا فــوق فــوق=مرفـوع بيديـن الرجـال ا لـلـي رفيـعـن شانـهـا
ماهي غريبه والاصل معروف من برقى وروق=شيابهـا اهـل الـعـرف وهــل الطايـلـه شبانـهـا

نقدم الترحيبـه=نيابه عن عتيبه
والعلم جيبه جيبه=والليل طول طول

يامرحبا ياشاعر ٍ تبدع جزيلات الطروق=اقلط وشب النار والهيه لهـا فرسانهـا
حنا عتيبه يبو بندر ماتضيع لنا حقوق=وانته من العتبان ولا من حدى جيرانها

سلمت جعلـك تبقـى=وفا الزمن ما تشقى
يجيك علمـي يرقـى=والليـل ظـول ظـول

الك البقى من هاجسن ماهو على الزلـه سبـوق=الـيـا ركــب ظـهــر المـطـيـه مـايـفـك اعنـانـهـا
ينزل مع الفرسان ويسوق الكاسب سوق سوق=انـشـد عـنـه قصـايـد الاشـعــار فـــي ديـوانـهـا

انته رجل وسنافـي=لكن تمشـي حافـي
واحذر تجيب الخافي=والليل ساري ساري

والنعم والله ياولد لكن شف نوض البروق=في مزنةٍ غطت شعاب الدار مع ضلعانها
وراك ماجاوبتني عساك منتـه بمخنـوق=تلفهـا وانـا مثبـت ياولـد سيسانهـا

ياعتيبي وجـداوي=اسمع كلام الراوي
اللي جرح ويداوي=والليل طول طـول

اللي يبى يعـرف لطعـم الجمـر بلسانـه يـذوق=والنـار كيـف النـاس تطعـم طعمـهـا بلسانـهـا
انا من اهل المنتدى قبلـك مانـي تـوي لحـوق=معروف مع ربعي ولا اقلط غير فوق اسمانها

معروف ماني مثلك=لكن خلـك مهلـك
عـود ودور لهلـك=والليل ساري ساري

ياصاحبي لن وصلت الدعوى ليالزم الحلوق=يمكن من الذله تهج القوم عـن مرحانهـا
جبلي من اللي يعرفونك واحدٍ عدلٍ صدوق=ماتنتصـدق حجـةٍ ماينعـرف برهانـهـا

ممدحك ولا اذمك=سلمت ونا عمك
والله يفرج همك=والليل طول طول

من دون اجيب اشهود انا ما اكذب ولا فالعلم بوق=الناس تدخل في بيوت الطيب مع بيبانها
لو كان بعض الناس مابه لا صبوح ولا غبوق=شجرة شفق ما تاقع اطيور السما بغصانها