ياسلام على المحاوره
حامية الوطيس
بين شاعرين متميزين
متابعين واصلووووووووووا

العمدة =

قوم يالنشمي واخذ من عمك العمدة نصيحـه=كان قلبك قلب ذيب وتحفظ وصـاة العمامـي
البـلاد بخيـر والعربـان فيهـا مستريحـه=وانت اشوفك تزرع الآشواك من حول الخيامي

النشمي =

الثبيتي حط سكينه على حلـق الذبيحـه=الذبيحه طايحه فالقـدر مافيهـا كلامـي
يوم اقول الحق ماسويت عيب ولا فضيحه=والمناقش في حدوده ماتجاوزت النظامي

العمدة =

قدركـم ياثبيـت للمترديـه والا النطيحـه=ما انتم بويا البعير شعيل مردوم السنامـي
انت فكيت الك باب يجيب لاهل الضلع ريحه=ما حسبت (العاقبة) و(النور) جلاي الظلامي

النشمي =

قدرنا فالصدر... والثنتين للعمده؟؟ منيحـه=ومن يقدم طيب اله عندي مهزه وحترامي!!
كان جت من يمكم ياهل القلوب اللي جريحه=مالكم من عندنا الا ميسماً فالنار حامـي!!

العمدة =

لا تقدم وانت مالك زود مجد ولا مديحـه=ما تزود عن الرجال الوافية لو هو جرامي
الجهل راعيه لوّ يقوم يا مسرع مطيحـه=وان تكرفس من سبايب زلته ماعاد قامي

مافعلت الطيب اريد المدح من نفساً شحيحه= اذخره عند الرجال اللي لهم قدر ومقامي!!
فيه ناساً تشحن العمده مثل شحن الشريحه= والدليل انه بدى الطاروق مارد السلامي!!

الفخـــر واحد لكل الروس والآلسن فصيحه=لا تميـــّـــز بين مطلق والعصيمي والزلامي
نفسـك اللي تامـرك بالسوء وتغــــز القريحه=اعصهــا قدّام لا ترميك في وسط المضامي

الحجاز اجبالها ماهي مثل هجرة مسيحه=والاصل ماهو سوات الفرع يالحرالقطامي!!
انت من مبدى كلامك نيتك ماهي صحيحه=يوم افكر في علومك لا حلال ولا حرامي!!

الجبـــــل لــولا غلا اللي ساكنه نقدر نزيحه=والعــرب بالفعل وانا اخوك ماهي بالاسامي
يالحصان اللي مع الطرقة بديت اسمع ضبيحه=نيتي عليا وفيها صون لحقوق الكرامي

الفعل من سيفي لاملح عسى ربي يبيحه= وانت تدرق فيه يوم الخيل جايلها ازدحامي!!
انت دلواً يوم تلته الرشا بين نضيحه=لاتعذر وانت من مبداك في خشمك عرامي!!

يا فيافي نجد هاتي كل الاخبار الصريحه=من هو للسنين الموحشة شد الحزامي
ما اتعذر مار اداري صاحبي عن كل صيحه=لو ما ادراي كان من هاك العشي روّح عدامي