الاخ الغالي(ربعي عتيبه)
 

أنا معك في الخطأ
لكن
على ماقالو (الشيوخ ابخص)

أنا رحت لأحد المكتبات.. وشريت لي كتب..
ومن ضمنها (الأسر المتحضرة في الجزيرة العربية)
المؤلف الحقيل

وجمعت الاسر اللي تنتمي لعتيبه..


ووجدت من ضمنها بعض الفخوذ المعروفة امثال العضياني والمقاطي .. :eek:
حتى انا استغربت..
بس قلت لازم انقل من المصدر مثل مااشوف بدون نقص..

وشكرا على ملاحظتك..

اخوك
فرهودي

الحقيل !!!!!!!!!!!!!!!!!!!!!!
مهو ادرى منكم !
رجاء عدم نقل من كتب غير العتبان حتى لانجرح مشاعر عيال عمنا . وارى ان هناك اسماء عوائل بدأت تتسرب الى داخل عتيبة
انتبه يوجد اسلاك شائكة والغام

أخوي اجود
 

هلا بك..
مافهمت قصدك.. تقول (وارى ان هناك اسماء عوائل بدأت تتسرب الى داخل عتيبة )
حدد..
اذا كنت شاك في عائلة. (الحقيقة لاتزول بشك)

اما الحقيل
مايحتاج اديب ومؤرخ ومهتم بالانساب لكل القبائل
وسيرته مافيها كلام.


والله يهديك بس..

اخوك فرهودي

النسبة لعائلة الخرافي فى الكويت فهم من تميم وليسوا من قبيلة عتيبة وهم من اهل سدير وجماعتهم يقال لهم الخريف فى سدير والرياض

يمكن صح ياخليجي ....
 

وانا بعد سمعت نفس الكلام!
بس فية كبار سن من قبيلةعتيبة اتاكد انهم من عتيبة وانهم من الروقة.
بس المشكلة ان مافية شئ يثبت انهم من عتيبة........

مشكوررررررررررر على الموضوع الحلووووووووووووووووووو
الله يعطيك العافيه
اخوك راعــــــــ بقعاءـــــى

فرهودي
شكرا على جهودك .

اما حصر اسماء العوائل المتحضرة من عتيبة فيجب ان يكون من مصدر قوي ! والحقيل وش عرفه بعوائل عتيبة !! لطش له كم صفحة من كتاب منديل بن فهيد الاسعدي ونقلها باخطاءها الاملائية وللاسف !! واكبر من ذلك لم يعزو الى المصدر !!
ولا اقول الا لك الله يامنديل الفهيد اللي كلن قام يمزع من كتبك ويدعيها ولا حتى يحسن النقل .

وبعدين كلن يبي يقول هذاك عتيبي !! تقوله وش مصدرك ياحبيب ؟؟ قال الانترنت طال عمرك !!

ياعيال العم الارتباط بالنسب شيئ مهو سهل !! حافظ عليه اجدادنا طوال القرون الماضية وكابدوا الشقاء والجوع سويا وعافوا ديار الخير آنذاك من عراق وشام ومصر خشية التشتت حفاظا على اللحمة والنسب ثم نجد البعض يخلخل هذا الكيان بضغطة زر على الانترنت . لا ... مادمنا أحياء .

والكلام مهو لك يالفرهودي ، فالفراهيد اعلام على روؤسهم نار .

يعطيك العافية
يا فرهودي
بس عندي ملاحظة الواكد <<< من بقعاء في القسم الشرقي من بقعاء

ومشكووررر
اخوك

الوليد الأسعدي:
شكرا على توضيحك وعلى تنويهك.. (مانستغني يالاسعدي)
اما منديل (شهادتي فيه مجروحه) :rolleyes:

والحقيل رجال اجتهد.. وعلى فكرة
كتابه جامع فيه الاسر المتحضرة لاغلب القبايل.. علاوة على قبيلتنا
وكثر الله خيره.. حتى لو كان عليه قصور او بعض الاخطاء الشنيعه.
والله يعفو عنا وعنه.. وهو تعب في تجميع الكتاب .

وانا اضم صوتي مع صوتك.. |1|

ياعيال العم الارتباط بالنسب شيئ مهو سهل !! حافظ عليه اجدادنا طوال القرون الماضية وكابدوا الشقاء والجوع سويا وعافوا ديار الخير آنذاك من عراق وشام ومصر خشية التشتت حفاظا على اللحمة والنسب ثم نجد البعض يخلخل هذا الكيان بضغطة زر على الانترنت . لا ... مادمنا أحياء


وآسف ان كان طرح الموضوع أحدث بلبلة



لي عودة..........

اخوكم فرهودي |1|

الاخ العزيز
راعــ بقعاء ــي :

مرحبتين كبار..
وشكرا على توضيحك..[HR]

تنويه

اتمنى ان لاننسى..
(( ان حاضرة عتيبة .. هم من عتيبه ويجب علينا معرفتهم وأماكن تواجدهم للم شمل القبيلة العريقه .. ولمعرفة ابناء عمومتنا الذين أضاعتهم البطاقات الشخصية(الأحوال) وصدقوني انهم مازالوا يحتفظون بتقاليد أجدادهم فالدم واحد والقلوب واحدة ))

ولكل مجتهد نصيب.. :rolleyes:

فرهودي