الله الرّزاق ... والفقران جعل الله يعينه = ومالنا لو نعطي المديون >> يقضي له ديونه
أحمدالله عندنا خـُبز ٍ ... وحنـّا خابزينه = يوم به ناس ضـِعاف ... وخبزهم ما يعجنونه

كبتن عتيبه

مرحبا بالشاعر اللي كل ماقاد السفينه=دقَّرت وسط البحر..وأهله ورى الشاطئ يبونه!!
والبناخي لو زما موج البحر بيني وبينه=والله أنّي لا أظهره لو الخطر سدّه ودونه!!

قادح شرار

البقا يالشاعر اللي ... لد في ّ بنون عينه = يا الله استر بعد ما الكبتن لنا ... بحلق عيونه
والبناخي يوم عدا البحر ... وأنتم شايفينه = لا تقول إنه تعطـّـل ... والخلايق يعرفونه

كبتن عتيبه

لا تقول الذيب يضحك لي عسى الله لايهينه=وأعلم أنْ الذيب مايضحك ولو طلّع سنونه!!
وأنت لوقست المسآفه بين مكه والمدينه=ماتكذَّب ربعك العتبان فاللّي يذكرونه!!

قادح شرار

ما عليـنا من سنون الذيب .. مانا ذاكرينه = والوعل لو هو يهزهز راسه .. وتومي قرونه
ما نكذّب قولكم ... والدرب حنا خابرينه = بس أبرجي ربنا ... يوم الخلايق يرتجونه

كبتن عتيبه

والله انّا خابرين المال..في جوف الخزينه=مير قبل انّه يصل مليون ..لا لا تظهرونه!!
لا تقول الخبز جاد ونص من خبزك عجينه=والعرب ماهم بحاجة كل خبزٍ يأكلونه!!

قادح شرار

الله الرّزاق ... والفقران جعل الله يعينه = ومالنا لو نعطي المديون >> يقضي له ديونه
أحمدالله عندنا خـُبز ٍ ... وحنـّا خابزينه = يوم به ناس ضـِعاف ... وخبزهم ما يعجنونه

الكريم اللي يمد الجود ماتقصر يمينه=والبخيل قصيّره يمناه ..مافيها معونه!!
واوجدي فوق نجمٍ من سماكم فاقدينه=وأنت ماشكلك بشكله..وأنت مالونك بلونه!!

الفهيم اللي ليا طب البحر ... جاب الثمينه = والغشيم اليا سألته عِلم ... يرفعلك متونه
مالك ومال النجم ... ما دام ما أنتم واصلينه = والله يدبّر نجم ... لا من بلشتوا تتبعونه