ترا الوضع عادي مار أشوفك تحميت=ولا فيه شيءٍ يستحق النخاوي
وانا خابرك من ضيقة البال غنيت=ولاكّن وسع خاطرك يالشقاوي

يا ليتك توقّت ساعة الصفر توقيت=ترى جايكم من فوق قصفٍ سماوي
ما خيّبت ظنّي يوم أنا فيك ظنّيت=طريقي مثل ( كفّي ) سماح متساوي

ربطنا عن الدرّة يدين العفاريت=ولو حاول العفريت ماهو بقاوي
ترانا ورى ظنك لو انك تقصيت=ونيل المراجل ما يجي بالمناوي

نصيحه تجوّد فالعمود و ذرى البيت=عسا الله يكافيك البلا و البلاوي
كلامك هذاه يثبّت العلم تثبيت=أبكتب عليك اقرار ما هو شفاوي