بعد بركت المطيه على روس الحراب = لاتخليها بذمتك ... فك عقالها
انت جسمك ساتره ثوب من عرض الثياب = والبشوت أم القصب خلها لرجالها

يالجذع ليلتك سوداء مثل ريش الغراب=والمطية سقتها والجذع يبرالها
انت خلك مع عتيبة محفيت الركاب=والمناويخ العظيمة تعرف ابطالها

صح لسانك يالعايضي

راجع المكتوب في وسط صفحات الكتاب = كم علومٍ راح يضحك على اللي قالها
ياحضور العايضي عندنا مثل الغياب = بارك الله في بيوتٍ يظل ظلالها

سطر التاريخ فعل الزناتي مع ذياب=مير خل الكتب والمكتبه في حالها
ياهل النخبة عساكم جميع(ن) لذهاب= العايضي من قوم ماينشرب فنجالها

المشاركة الأصلية كتبت بواسطة سلطان عايض العايضي (المشاركة 764352) سطر التاريخ فعل الزناتي مع ذياب=مير خل الكتب والمكتبه في حالها ياهل النخبة عساكم جميع(ن) لذهاب= العايضي من قوم ماينشرب فنجالها

العلوم علوم والمال مايكمل نصاب = رد كلمتك الهزيله... وهات بدالها
ليه ماحصلت معهم طعام ولا شراب ؟؟= لان فعلك ماحمى غترتك وعقالها