الوضع حاسم .. ودعوانا ماهي بالنكت = لكن صل الفرايض .. ثم زور الحرم
الطبخة اللي ف(يدي) .. سويتها وإنضجت = واليوم من تحتك ..نزيد الحطب والفحم

الارض كورة ولكن الرواسي رست = وان جبت صفحتك نكتب فوقها بالقلم
انته ولاك اختلفت وسالفتك التوت..؟ = تفتل كلامك وترجع تنقضه من عدم !!

الأرض كورة .. ورجلك تبتلش >> ما مشت = يوم ٍ سطح القمر .. فوقه ركزت العلم
ودي أفهـّم حليمة .. وأنجحت وأرسبت = وأثر المصيبه ... طوال الوقت ترعى الغنم

عندي لكم علم لو بعض المعاني سرت = علم(ن) يفج النحر مدري يسد النسم
لا تقعد تصيح لاشفت العمود انفلت = يمكن لياصحت ظهرك يا ولد ينصرم

العلم لفه ودفه ... مير لا تلتفت = بتشوف شئ ٍ يخيفك ... يفجعك فالحلم
ما دام بعض المعاني حولت وأنزلت = ما ودنا يالسعيدي .. تزعل وتنظلم