الهيـــــــــــــلا *** منتدى قبيلة عتيبة - قصيدهـ قديمه للشاعر / عبدالله بن دخيل الله الوباري الشجعاني العصيمي

- شعراء قبيلة عتيبة (http://www.otaibah.net/m/forumdisplay.php?f=46)

الوفا طبعي ، شكرُا لك .

لاهنت على المرور

قصيدة عصما ويحي من انتسب لها

نشق الدِّيََر بين الرضـا والغصيبـة**على شأن حمر وسمها فـي رقابهـا
واليا شعاهـا صايـح مـن خريمـه**غزيـز خيـل سابقتهـا ركابـهـا
ولحقوا على زينات الأوعاد ضمـر**سواة الأهلـه معتبيـن(ن) حزابهـا
لحقوا وثـار الملـح بيـن الدياقـا**في عبلـة بيضـا يلالـي سرابهـا
وصاحوا عليهم صيحـة عاصميـة**بصافي الحديد اللي معـرب زهابهـا
راحوا شلايح فـي يـدا كـل مقـدم**روحه يعرضها الخطر مـا يهابهـا
عصيمي وشيباني ومذخـور مفلـح**وألآد القثامي نومست من عدى بها
برقا هل العادات في الليـن والقسـا**والاد ثابـت مـا نسينـا جوابـهـا
أهمـه مبانينـا ومرسـى جدودنـا**ذياب تلهـب فـي مراسـي ذيابهـا
والآد النفاعي والطفيحـي وسربتـه**لطم الأعادي شيبهـا مـع شبابهـا
لو أنه بعيد ونـازح عـن ديارهـم**سوّ المشوك ما سلم مـن صوابهـا
والاد المقاطي وروق كسابـة الثنـا**كسابـة النامـوس يـوم اعتقابهـا
ناحوا رجال الشام والشرق واليمـن**وثنوا مطاويع العـدا مـع صعابهـا
وأنا أحمد الله يوم أنا مـن عتابـة**درعي عـن أيـام كثيـر حسابهـا
سواة البحر ما طبحـه كـل سابـح**يقع بالمذلة والمراكـب غـدى بهـا

صح لسان الشاعر ولاهنت على النقل

حاذور لا تشنى عضيدك من المـلا:::::::::لو شفت الـه روح كثيـر حسابهـا
عضيدك اليا ما جاك ضده من العـدا:::::::::اغلا بروحه دون روحك وصخى بها

قمه ومشكور يالوفا على القصيده وصح السان قايله وسلمت يمنى كاتبها

وتقبل مروري

لاهنتو يالنشاما على المرور

مشكور يا الوافي وبصراحه قصيده ممتازه واعجبني هاذين
البيتين للعصيمي .

صح لسانك
ولسان الشاعر

مشكورين على المرور ياعتااابه

شكرا لك يالوفا طبعي قد سمعت عنها وكنت ابحث عن القصيده
والحمدالله حصلتها هنا والفضل من الله ثم بمجهودك يالطيب
كل الشكر لك وربي يبارك فيك وقصيده تخلدت بماء الذهب لانها تخلد ماضي القبيلة ونسبها

اخوك
ناصر بن حامد الثبيتي